العمى بقلبي

موضوع: العمى بقلبي الجمعة يونيو 08, 2012 5:39 am

لعمى بقلبي
ـــــــــــــــــ
بهالشارع وساعة صبح
تمر كل يوم على دربي
تحط نظرة ومبتسمة
... وأنا معمي على قلبي
ويوم بيوم بتكرر
وكل يوم بحلى أكتر
وأنا لازلت أتساءل
ولازال العمى بقلبي
........
وذات مرة صحيت الصبح
لقيت الناس مجتمعة
لقيت البنت تعبانة وشخص واقف
ويبدو سيئ السمعة
اجت عيني بعين البنت
وأذني ع كلام الناس
وفجأة طلعت من البنت
كلمة يابلا إحساس
إنفجع قلبي
وصار بنفسي في غصّة
وصرت اسئل بدون الصوت عن القصة
وبعد لحظة
عرفت انه الحكي للشب اللي يبدو سيئ السمعة
هدي قلبي
ولكن لازال العمى بقلبي
............

اتاري الشب كان واقف يغازلها
وكل ماتمشي بالشارع
يحاول أنه يلحئها
وهالمرّة علئ معها
وهالمرّة صحي قلبي
كمشت الشب وسبيتو وصرت اضرب
وعيني عليها مليانة بشوق وحب
وصار سكوت
لقيت العالم بتهرب
اجت هالبنت وقالتلي
لشو تضرب وحاجة تسب
زعلنا شوي ومابيني وبين هالشب
فيه حالة حب
اجت عندو وقالتلو
حبيبي مطرحك بالقلب
غصب عني زعلت شوي
وهات ايدك وسامحني
انا غلطانة ياعمري
وازا بدك تعا سبني
...........
اخد ايدها وسامحها
وقلي لوسمحت شوي
ايدك عني رجعها
ودار ضهرو ومشي معها
وبعد خطوة ورا خطوة
دارت وجها تغمزني
رمت ورقة
الظاهر كاتبتا بالعجئة
فتحت قريت كما التالي
عزيزي الجسر
أنا ممتنة ياغالي
وجود ك كان سبب حبي
وكان لازم اجيبك يوم على دربي
وكان لازم اخليه يغار
وكان لازم أولع نار
وكان لازم اخلي بعبو يلعب فار
لقيتك فار
وكنت انت سبب سعدي
.........
رميت الورقة بالشارع وجعلكتا
حسيت برقبتي ملفوفة شي حبلة
وكانت هي ماسكتا
شفت قلبي
لقيتو نايم وزعلان
صحّيتو
وقام قلي
تصحيني وأنا غفلان
وبالاخر تموتني ..أنا غلطان
رجع قلي
تعا خبرك
لعمى بقلبك وعمى بقلبي