السلام عليكم...
بما انو عزيزنا اسماعيل ابتدا ب عروس اللبنة ف رح نعمل قالب كاتو مشان التحلاي
===================
المقادير:
4- فناجبن طحينة
4 - بيضات
ظرف فانيلا
ظرف بيكنغ بودر "يلي هو خميرة ومابينفش الكاتو من دونو"
4 - فناجين سكر..أو حسب الرغبة
فنجان صغير عصير برتقال مشان النكهة
==================
طريقة التحضير:
رح نجيب البيض والسكر ونخلطن سوا بالخلاط ع درجة 3 ومنخلط لمدة 10 دقايق ومنضيف الطحينة والفانيلا والبيكنغ بودر ومنضيف فنجان العصير ومنخلط بالخلاط كمان لمدة عشر دقايق وعل درجة 3 وقبل دقيقتين منحط عل درجة1 وبهل وقت منجيب قالب الكاتو يلي بدنا نخبز فيو ورح ندهنو بالسمنة مشان مايعلق الكاتو وبعدين منفضي المكونات يلي خلطناهن بقالب الكاتو ومنحطو عل نار اول شي عشر دقايق منعلي النار عليه وبعدين منوطيا مشان مايحترق
==================
وصحة وهنا
ملاحظة: اذا احترق قالب الكاتو معكن مادخلني والأهم اذا ماصار معكن تكتبو تعليق مشان شوف شو نسيانة وألف صحة
